قصة الحزن (وليد)

موضوع: قصة الحزن (وليد) الخميس مارس 25, 2010 6:02 pm

كانت بداية القصه يوم نزل الضابط محمد من السياره ودخل الشرطه وراح يم العنبر الي فيه وليد صاحبنا الي مابقى شي في الدنيا ماسواه جرائم وقتل وإغتطاب وسرقه وسطو مسلح وتهريب ...إلخ
على الرغم من أن وليد هذا كان المؤذن في مسجد الحي بس تعرف على واحد يقاله صالح
صالح هذا رئيس عصابة مافيا وأعجب في البنيه الجسمانيه لوليد وشجاعته فحاول يتقرب منه إلا أن طاح في شباكه وترك المسجد وحلق اللحيه وصار اليد اليمنى لصالح والمعاون الرئيسي له المهم ما أطول عليكم بالسالفه يوم دخل الضابط محمد على وليد لقاه نايم صحاه من النوم
وقاله : قبل أسبوع صايدينك سارق سياره ومفحطبها وأمس لاقينك طاق ولد الشيخ سالم لين بغا يموت وش قضيتك معه
وليد:ولو شفته بعد بذبحه النذل أبوه طرح أبوي في المستشفى بين الحياة والموت بسبب الأرض الي على شارع العليا .
الضابط: أه يعني السالفه كبيره أشرحلي السالفه من طقطق لين السلام عليكم
وليد:أهم شي تطلعوني أشوف أبوي
الضابط:أنت بس أشرح شالسالفه وبعدين نتفاهم
وليد: السالفه ومافيها أنه قبل عشر سنوات كان الوالد مع الشيخ سالم يعتبر كل واحد منهم الثاني أخوه الي ماجابته أمه وكان أبوي الله يقومه بالسلامه عنده مبلغ كبير شوي يمكن 8000،000ريال تقريبا وكان قبل عشر سنين مبلغ ضخم والشيخ سالم الله لايوفقه معه نفس المبلغ فقرروا أنهم يدخلون شراكه في مكتب مقاولات وبالفعل دخلوا سوا وكان المكتب شغال كويس وماشي سوقهم صح بس القذر سالم كان إذا باع أرض أوبيت يكذب على أبوي مثلا أرض تسوى 000 26ألف يقول بعتها 200ألف ويقسمون المئتين بينهم والباقي ياخذها سالم وعلى هالطريقه أستمر سالم يمارس كذبه وخداعه على أبوي‎ ‎وأبوي كان عارف بهالسالفه بس ماحب يزعل سالم عشان العيش والملح الي بينهم وترك أمره لله .
بعد مده جاء شخص للمكتب وعرض عليهم أرض في حي العليا للبيع بمبلغ 3000،000 ريال سالم قال ماحنا شارين منك بهالسعر بس أبوي قال أنا بشتريها لي بس لو ترخص لي فيها صاحب الأرض مع إلحاح أبوي نزل له 500،00ريال وشراها أبوي منه وتمت البيعه وكل واحد راح في حال سبيله
بس قبل شهرين من الان سالم سمع أن الأرض تسوى لها حدود 20،000،000 تقريبا وبهذا السعر الخيالي الي سيل لعاب سالم حاول خداع أبوي بأن خلاه يوقع على أورق بموجبها تكون الأرض لسالم وأن سالم سلمه قيمة الأرض كامله وحط هالورقه بين ملفات الوالد الي بيوقعها وبالفعل نجحة الخطه وجاء سالم لأبوي عشان يشوف الورقه فأنصدم أبوي منها وطرد سالم من البيت بس سالم كان يقول إذا ماجيت بكره لكاتب العدل عشان تفرغ الأرض ترى برفع دعوه قضائيه عليك آح آح آح آح معليش يا حضرة الضابط بس ممكن كاس مويه
الضابط: ياعسكري
العسكري: أمرك سيدي
الضابط:جب كاس مويه
ا لعسكري :حاضر سيدي
وبعد ماشرب وليد المويه
الضابط: كمل ياوليد السالفه
وليد: بعد التهديد رفع سالم قضيه على أبوي وكسبها وأفرغت الأرض بأمر من المحكمه وبعدها دخل أبوي بغيبوبه إلا ألحين وأنتهت السالفه
الضابط: طيب السالفه بين أبوك والشيخ سالم وش دخل ولد الشيخ سالم تطقه
وليد: لأنه جاء لبيتنا وطق الباب وقال الوالد يقول إذا محتاج شي لايردك ألا لسانك يتشمت فينا فأنا فقدت أعصابي وصار الي صار
الضابط :عموما أنا برفع القضية للمحكمة وبأذكر الكلام الي قلته بس طبعا بعد ما أخذ أقوال صافي ولد الشيخ سالم
وتقدر تستريح الأن
وبعد ماطلع الضابط وترك وليد في زنزانته راح وأستدعى صافي وأخذ أقواله الي يدعي فيها أن حبه للخير هو الي خلاه يروح لوليد ويقوله الي قال بس الظابط حول أوراقهم للمحكمه الي حكمت على وليد وصافي حبس لمدة شهر بس عاد وش صار في هالشهر
كان هالشهر هو الي نزل على وليد بأم الفواجع وهو موت أبيه
لاكن وليد كان صبور وتحمل الي صار كله أنتظر لين خلص محكوميته
طلع من السجن وهو كله أمل في الحياة لاكن للأسف ما أستطاع أنه يحصل له وضيفه لاكن هذا ماخلاه يتحطم فأتجه للتجاره وفتح محل صغير لبيع الجوالات وشوي شوي لين صار عنده مجمع تجاري كبير لبيع الجوالات وبعد ذلك قدر أنه يتزوج وجيله عيال وعاش حياه سعيده إلا أن وافته المنيه وتوفي دهس بالسياره وهو متجه لصلاة الفجر
وأنتهت الحكايه
(ملاحظه :لا أبيح أحد أنه ينقلها لأي مكان ثاني دون ذكر صاحب الروايه والمصدر)
وللمعلوميه هذي أول روايه أكتبها في حياتي
تحياتي :الفتى الوسيم

» صباح الحزن ياجرحي & الــجــروووووح‎
» !! ايهما افضل وليد الجيزاني ام سامي الجابر (مقارنه عادلة ) !!‎
» بِكــيتْ .. وأبكِيت .. مساء الحزن اللي بقلبي ...‎